काठमाडौं । सोमबार राति काठमाडौको चक्रपथ सहित देशका ५ वटा शहरमा युद्धशैलीका नेपाली सेनाका बख्तरबन्द गाडी कुद्ने भएका छन् । नेपाली सेनाले बख्तरबन्द गाडी ब्यारेकहरुबाट युद्धशैलीमा सडकमा निस्कने छन् ।
राजधानी काठमाडौंमा सेनाको ट्याङ्कले चक्रपथ परिक्रमा गर्ने छ भने सेनाका पृतना भएका अन्य शहरहरुमा पनि सेनाका बख्तरबन्द गाडी ब्यारेक छाडेर सडकमा निस्कने छ ।
सेनाले आफ्नो नियमित अभ्यास तालिकाअनुसार १९ माघको राति बख्तरबन्द गाडी पृतना ब्यारेकबाट बाहिर निस्कने नेपाली सेनाले जनाएको छ ।
यसअघि सेनाले यस्तो अभ्यास छोटो दूरीमा र मानव बस्ती भन्दा टाढा गर्ने गरेकोमा यसपटक ब्यस्त चक्रपथ चक्कर लगाउने योजना बनाएको नेपाली सेनाले जानकारी दिएको छ ।
प्रतिनिनिसभा विघटनसँगै राजनीतिक अवस्था तरल रहेको बेला सेनाले बख्तरबन्द गाडीको अभ्यास गर्नुलाई राजनीतिक बृत्तमा अर्थपूर्णरुपमा हेरिएको छ ।
८ वटै पृतना मातहतका इकाइमा पनि २१ माघमा यस्तो बख्तरबन्द अभ्यास हुने सेनाले जनाएको छ ।
नेपाली सेनाको नियमित अभ्यास योजना अनुसार यही माघ १९ गते राती वख्तरवन्द गाडीहरुले काठमाडौं चक्रपथको चक्कर लगाउने योजना रहेको । त्यसैगरी, ८ वटै पृतना अन्तर्गतका मेकनाईज्ड युनिटहरूबाट माघ २१ गते देशका विभिन्न स्थानहरुमा वख्तरवन्द गाडीहरुको अभ्यास गर्ने योजना रहेको जानकारी गराउदछौं ।
— NASpokesperson (@NaSpokesperson) January 31, 2021
प्रतिक्रिया