झापा । नेपाल कम्युनिष्ठ पार्टी नेकपाका बरिष्ठ नेता झलनाथ खनालले प्रधानमन्त्री केपी शर्मा ओलीले दक्षिणपन्थी कदम चालेको आरोप लगाएका छन् ।
झापामा शुक्रबार आयोजित पत्रकार भेटघाट कार्यक्रममा बोल्दै वरिष्ठ नेता खनालले दक्षिणपन्थी बाटो समातेर ओलीले प्रतिगमन गरेको बताएका हुन् ।
नेकपा स्थायी कमिटी सदस्य जनार्दन शर्मासँगै आएका नेता खनालले ओलीको प्रतिगामी कदम विरुद्ध आन्दोलनमा उत्रिन सबैलाई आह्वान समेत गरेका छन् । पार्टीको विधि, पद्धती, कार्यदिशा, सिद्धान्त तथा नीतिको आधारमा चल्न नसक्नु, दक्षिणपन्थी अवसरवादी स्वभाव, पार्टीको निर्णयहरु स्वीकार गर्न नसक्नुको परिणमस्वरुप ओलीले प्रतिगामी कदम चालेको उनले जिकिर गरे ।
गृह जिल्लाका कार्यकर्ताहरुलाई प्रशिक्षण इलाम हिँडेका खनाल र जनार्दन शर्मा भोलि ‘‘प्रतिगमन विरुद्ध कार्यकर्ता प्रशिक्षण”मा सहभागी हुने बताइएको छ ।
प्रतिक्रिया