नुवाकोट । नुवाकोट उद्योग वाणिज्य संघले विदुर नगरपालिका–२ स्थित वनदेवी मन्दिर परिसरमा निर्माण गरेको ‘भूकम्प स्मारक स्तम्भ’को उद्घाटन गरिएको छ ।
विसं २०७२ सालको गोरखा भूकम्पबाट ज्यान गुमाएका व्यक्तिको स्मृतिमा रु दस लाखमा स्थापना गरिएको स्मारकको प्रमुख जिल्ला अधिकारी झंकनाथ ढकालले उद्घाटन गरेका हुन ।
सो अवसरमा प्रजिअ ढकालले भूकम्पका कारण नभई कमजोर संरचनका कारण जनधनको क्षति पुग्ने भएकाले भूकम्पपछिको विपद् प्रतिरोधी संरचना बनाउन आग्रह गरे । स्मारक स्तम्भ निर्माणका लागि आर्थिक सहयोग गर्ने गोयन्का गु्रपका व्यबस्थापक अजय गोयन्काले आफूहरु व्यावसायका साथै सामाजिक उत्तरदायित्व निर्माणमा पनि अग्रसर रहेको बताए ।
दुई वर्षअघि शिलान्यास गरिएको उक्त स्तम्भ गोयन्का गु्रपको रु दश लाख लगानीमा निर्माण सम्पन्न गरिएको हो । सङ्घका जिल्ला अध्यक्ष ताराबहादुर कार्कीले व्यावसायीहरु समाजिक उत्तरदायित्व, मानवीय पीडाका समयमा सहयोगीको रुपमा आउनु सकारात्मक भएको बताए । उक्त भूकम्पमा नुवाकोटमा एक हजार ११२ जनाले ज्यान गुमाएका थिए भने एकहजार ५० जना घाइते भएका थिए ।
प्रतिक्रिया