राष्ट्रिय महिला लिगमा आज पनि दुई खेल

काठमाडौं । राष्ट्रिय महिला लिग फुटबलमा आज शनिवार पनि दुई खेल हुँदैछ ।

आज नेपाल आर्मी क्लब र वालिङ नगरपालिका तथा विराटनगर महानगरपालिका र चौदण्डीगढी नगरपालिकाबीच प्रतिष्पर्धा हुन लागेको हो ।

आर्मी र वालिङ नगरपालिकाबीचको खेल दिउँसो १२ बजे सुरु हुनेछ भने हुने विराटनगर महानगरपालिका र चौदण्डीगढी नगरपालिकाबीचको खेल दिउँसो ३ बजे शुरु हुनेछ । दुबै खेल सातदोबाटोस्थित एन्फा कम्प्लेक्सको खेल मैदानमा हुनेछ ।

यसअघि हिजो भएको खेलमा पुलिसले रौतहटको चन्द्रपुर नगरपालिकालाई हराएको थियो । जितसँगै पुलिसले तेस्रो स्थानमा रहेको स्याङ्जाको वालिङ नगरपालिकासँग अङ्क बराबरी गरेको छ ।

१४ अङ्क जोडेको पुलिस गोल अन्तरको आधारमा चौंथो स्थानमा छ भने चन्द्रपुर ६ अङ्कसहित छैठौं स्थानमा छ । शीर्ष स्थानमा रहेको एपीएफको २४ अङ्क छ, भने आर्मी २२ अङ्कसहित दोस्रो स्थानमा छ ।