काठमाडौं । नेकपा प्रचण्ड-नेपाल पक्षको मध्यान्ह १ बजे केन्द्रीय कमिटीको आकस्मिक बैठक बस्ने भएको छ ।
बिहीबार नागरिकताको सक्कल प्रमाण सहित केन्द्रीय सदस्यहरुलाई काठमाडौं बोलाएको नेकपा प्रचण्ड नेपाल पक्षको केन्द्रीय कार्यालय पेरिसडाँडामा १ बजे आकस्मिक बैठक बोलाइएको हो ।
पार्टीले बोलाए बमोजिम नागरिकतासहित केन्द्रीय सदस्यहरु काठमाडौं आएपछि १ बजेबाट बैठक बस्न लागेको हो । यसअघि पेरिसडाँडामै बिहान साढे ९ बजेदेखि स्थायी कमिटी बैठक बसेको थियो । अहिले केन्द्रीय सदस्यहरुको नागरिकता संकलन भैरहेको छ ।
प्रतिनिधिसभा विघटनविरुद्ध चौथो चरणको आन्दोलन गरिरहेको प्रचण्ड-नेपाल पक्षले निर्वाचन आयोगमा गत माघ २० गते वैधानिकताका लागि निवेदन दिएको थियो । हस्ताक्षरसहित दाबी प्रस्तुत गरेपनि आयोगले नेकपा विबादको छिनोफानो नगरि मध्यावधि निर्वाचनको प्रक्रिया अगाडि बढाएको छ ।
पार्टी विभाजन अगाडिको ४४१ सदस्यीय केन्द्रीय कमिटी सदस्यमध्ये ३१५ बढी आफ्नो पक्षमा भएकाले नेकपाको वैधानिकता पाउनुपर्ने दावी यो पक्षले गर्दै आएको छ ।
प्रतिक्रिया