काठमाडौं । पूर्वमन्त्री एवं सांसद शेरबहादुर तामाङ र उनकी पत्नी एवं प्रदेश १ की सांसद उषाकला राई पुनः केपी ओली पक्षमा फर्किएका छन् ।
नेकपा विभाजन लगत्तै ओली पक्षद्वारा आयोजित संसदीय दलको बैठकमा सहभागी भएका तामाङ फेरि प्रचण्ड नेपाल पक्षमा फर्किएका थिए ।
तर, आफुहरुको सही व्यवस्थापन गर्न नसकेको भन्दै तामाङ दम्पती पुनः ओल पक्षमा फर्किएका हुन् । विराटनगरमा आज आयोजित ओली पक्षको सभामा उषाकलाले पार्टी प्रवेशको घोषणा गर्ने जनाइएको छ ।
सिन्धुपाल्चोक क्षेत्र नं. १ का सांसद तामाङले ओलीले आफ्नो मन्त्रिपरिषदमा कानुन मन्त्री बनाएका थिए । तर बंगलादेशमा अध्ययन गर्ने नेपाली महिला विद्यार्थीहरुबारे विवादास्पद अभिव्यक्ति दिएको भन्दै ओलीले उनलाई ६ महिना नपुग्दै मन्त्रीबाट बर्खास्त गरेका थिए ।
प्रतिक्रिया