गोरखा । गोरखाको बारपाकमा एकै परिवारका तीन जना मृतअवस्थामा भेटिएका छन्।
बारपाक सुलिकोट गाउँपालिका वडा नं. १ बारपाक निवासी ८४ वर्षीय डिलबहादुर गुरूङ, २१ वर्षीया आइतकुमारी गरूङ र १३ वर्षीया उषा गुरूङ मृत भेटिएको जिल्ला प्रहरी कार्यालय गोरखाले जनाएको छ ।
राति सुतेका उनीहरु आज बिहान अबेरसम्म नउठेपछि छिमेकीले शंका लागि घरमा हेरेका थिए । त्यसलगत्तै शंका लागेपछि उनीहरुले प्रहरीलाई खबर गरेका थिए । घटना थाहा भएलगत्तै बारपाक प्रहरी चौकीबाट प्रहरी घटनास्थलमा पुगेको थियो ।
मृतकको मुखबाट फिँज आएको छ । थप अनुसन्धानको काम भैरहेको प्रहरीले जनाएको छ ।
प्रतिक्रिया