काठमाडौं । इटालियन च्याम्पियन युभेन्टस च्याम्पियन्स लिगबाट बाहिरिएको छ ।
गएराती सम्पन्न अन्तिम १६ को दोस्रो लिगमा पोर्टोलाई ३-२ गोल अन्तरले पराजित गरेको युभेन्टस समग्रमा ४-४ को बराबरी भएपछि अवे गोलको आधारमा पोर्टो क्वाटरफाइनलमा पुगेको हो ।
१० खेलाडीमा सिमित रहेको पोर्टोले ९० मिनेटपछिको अतिरिक्त समयमा गोल गर्दै युभेन्टसलाई च्याम्पियन्स लिगबाट बाहिर पठाएको थियो । यसअघि युभेन्टसले निर्धारित ९० मिनेटमा फेडेरिको चेइसाको दुई गोलबाट २-१ को अग्रता लिदै समग्रमा खेल ३-३ को बराबरी भएको थियो ।
पोर्टोका सर्जियो ओलिभेरियाले खेलको १९औ मिनेटमा गोल गरेका थिए । पोर्टोका मेहदी टारेमिले खेलको ५४औ मिनेटमा रातो कार्ड पाएका थिए ।
अतिरिक्त समयमा पोर्टोले ११५ मिनेटमा गोल फर्काएको थियो भने युभेन्टसका लागि ११७ मिनेटमा अड्रीएन राबिओटले गोल गरेका थिए ।
योसँगै युभेन्टस च्याम्पियन्स लिगबाट बाहिरिएको छ । योसँगै क्रिस्टियानो रोनाल्डोसँगै युभेन्टसको च्याम्पियन्स लिग जित्ने यस बर्षको सपना अधुरो रहेको छ । युभेन्टसले अन्तिम पटक सन १९९६ मा च्याम्पियन्स लिग जितेको थियो ।
प्रतिक्रिया