काठमाडौं । नेपाल राष्ट्र बैंकले कर्णाली डेभलपमेन्ट बैंकका तत्कालीन अध्यक्ष र सञ्चालकहरुसँग पदबाट बर्खास्त गर्नु नपर्ने कारणसहितको स्पष्टीकरण सोधेको छ।
राष्ट्र बैंकले बैंकका तत्कालीन सञ्चालक समितिका अध्यक्ष डा. ओमप्रकाश मिश्र तथा सदस्यहरु युवराज अधिकारी, उषा कुमारी भण्डारी, टंक बहादुर बस्नेत, निसार अहमद दर्जीलाई पदबाट बर्खास्त गर्नु नपर्ने कारणसहितको जवाफ माग गर्दै सार्वजनिक रुपमा सूचना मार्फत स्पष्टीकरण सोधेको हो।
बैंकले यसअघि नै पदबाट बर्खास्त गर्नु नपर्ने कुनै कारण भए आफ्नो सफाइ तथा स्पष्टीकरण १५ दिनभित्र बैंकसमक्ष प्रस्तुत गर्न पत्राचार गरेको थियो। तर सो अवधिमा कुनै पनि सफाइ पेस नभएको जनाउँदै राष्ट्रबैंकले थप १० दिनभित्र स्पष्टीकरण पेस गर्न निर्देशन दिएको हो।
प्रतिक्रिया