काठमाडौं । नेकपा माओवादी केन्द्र र जनत समाजवादी पार्टी जसपाबीच छलफल सुरु भएको छ । सत्ता समीकरणबारे छलफल गर्न जसपाका नेताहरु माओवादी केन्द्रको पार्टी कार्यालय पेरिसडाँडा पुगेका छन् ।
प्रधानमन्त्री केपी शर्मा ओलीले गरेको संसद विघटनलाई असंवैधानिक, अलोकतान्त्रिक र प्रतिगामी ठहर गरेका माओवादी केन्द्र, जसपा र नेपाली काँग्रेसबीच सत्तासाझेदारीबारे छलफल भैरहेको छ ।
सर्वोच्च अदालतले नेकपा खारेज गर्दै एमाले र माओवादी केन्द्र पुनर्स्थापित गरिदिएपछि सत्ताको निर्णायक साँचो बनेको जसपाले भने आफ्ना माग जसले पुरा गर्छ उसैसँग सत्ताँ सहकार्य भन्दै एमालेसँग पनि समानान्तर छलफल जारी राखेको छ ।
जसपाभित्र पूर्व राजपा पक्षधर नेताहरुले रेशम चौधरीको रिहाई, संविधान संशोधन लगायतका माग पुरा गरे ओली सरकारलाई समथर्न दिन सक्ने समते जनाउ दिएका छन् । तर, जसपाभित्रको पूर्व समाजवादी पार्टीका नेताहरु उपेन्द्र यादव र बाबुराम भट्टराईहरुले भने ओलीलाई कुनै हालतमा समर्थन गर्न नहुने अडान राखिरहेका छन् ।
जसपाले निर्णय गर्यो भने कांग्रेसको नेतृत्वमा माओवादी केन्द्र र जसपाको त्रिपक्षीय गठबन्धनको सरकार बन्ने सम्भावना रहेको छ ।
प्रतिक्रिया