चितवनमा ट्रक र बोलेरो ठोक्किँदा एक जनाको मृत्यु

काठमाडौं । पूर्व-पश्चिम राजमार्गअन्तर्गत पूर्वी चितवनमा भएको सवारी दुर्घटनामा परी एकजनाको मृत्यु भएको छ । अर्का एक जना घाईते भएका छन ।

काँकडभिट्टाबाट नारायणगढतर्फ जाँदै गरेको ना ८ ख १४२० नम्बरको तरकारी बोकेको ट्रक र विपरीत दिशाबाट गइरहेको बा १८ च १३७१ नम्बरको बोलेरो राप्ती नगरपालिका-३ मार्तलपुल नजिक एकापसमा ठक्कर खाँदा भएको दुर्घटनामा परी धादिङको धुसा गाउँपालिका-१ का २७ वर्षीय महेश फुयालको मृत्यु भएको हो ।

आज बिहान ३ः१५ बजे भएको दुर्घटनामा परी सहचालक तनहुँको बन्दीपुर गाउँपालिका–५ का २७ वर्षीय विवेक थापा घाइते भएको जिल्ला प्रहरी कार्यालय चितवनले जनाएको छ ।

घाइते थापाको पुरानो मेडिकल कलजेमा उपचार भइरहेको छ । ट्रक, बोलेरो र चालक इलाका प्रहरी कार्यालय भण्डाराको नियन्त्रणमा छन् ।