नागार्जुनको डढेलो निभाउन हेलिकोप्टरको प्रयोग

काठमाडौं । नागार्जुन जंगलमा लागेको डढेलो निभाउन हेलिकोप्टरको प्रयोग गरिएको छ ।

आइतबार बिहानदेखि लागेको भीषण डढेलो निभाउन नेपाली सेना, सशस्त्र प्रहरी, नेपाल प्रहरी, निकुञ्ज एवं महानगरपालिका र नगरपालिकाका कर्मचारी खटिएका छन् ।

तीनवटा दमकल समेतको प्रयोगबाट बिहानदेखिको प्रयास असफल भएपछि हेलिकोप्टरबाट पानी खन्याएर डढेलो निभाइएको हो । अहिले डढेलो धेरै कम भैसकेको छ । यद्यपी, जंगलको फेदतिर रहेका बस्तीतिर सर्दै गएका कारण सतर्कतापूर्व नियन्त्रणको प्रयास जारी छ ।

आइतबार बिहान १० बजेआसपासमा बूढानीलकण्ठ नगरपालिका वडा नं. १ को तौलुङबाट डढेलो सुरु भएको डढेलो फैलिँदै गएको थियो ।