स्वर्गद्वारी दुर्घटना अपडेट : मृत्यु हुनेको संख्या ५ पुग्यो, सबैको सनाखत, गम्भिर ४ जनालाई काठमाडौ पठाउने तयारी

प्युठान । जिल्ला प्रशासन कार्यालय गुल्मीका कर्मचारी बोकेर स्वर्गद्वारी दर्शनमा गइरहेको गाडी प्युठानमा दुर्घटना हुँदा मृत्यु हुनेको संख्या ५ पुगेको छ ।

दुर्घटनामा घटनास्थलमा मृत्यु भएका जिल्ला प्रशासन कार्यालय गुल्मीका प्रशासकीय अधिकृत स्यांजा कालिगण्डकीका श्याम न्यौपाने, कम्युटर अप्रेटर रेसुंगा नगरपालिका ७ का सूर्य पन्थी, खरिदार धुर्कोट ७ का ईश्वरी भण्डारी, जिप चालक मुसिकोट ३ का केशव कार्की तथा मालिका  ७ का यामलाल पन्थी रहेका छन् ।

घाइते मध्य गम्भिर अवस्थामा रहेका ४ जनालाई थप उपचारका लागि काठमाडौ पठाउने तयारी भएको प्युठानका प्रमुख जिल्ला अधिकारी खिमराज भुसालले जानकारी दिए ।

लु १ ज १६५५ नम्बरको जिप बुधबार बिहान दुर्घटनामा परेको हो। दुर्घटनामा १२ जना घाइते भएका छन्।