नेपालगन्ज । कारोना महामारीले भयाबह रुप लिन थालेपछि नेपालगन्ज मेडिकल कलेज शिक्षण अस्पताल कोहलपुरले पुनः आईसीयू सहितको कोरोना बिशेष वार्ड संचालनमा ल्याएको छ । आज शुक्रबारदेखि मेडिकल कलेजले कोहलपुर स्थित शिक्षण अस्पतालमा कोभिड आइसीयू र आइसोलेसन संचालनमा ल्याएको हो । अस्पतालले १५ शैयाको आईसीयू तथा ३० बेड क्षमताको आइसोलेसन वार्ड संचालनमा ल्याएको हो ।
जिल्लामा कोरोना संक्रमणको दर र मृत्युु दर तिब्र रुपमा बढ्दै जानथालेपछि कोभिड आईसीयू तथा आइसोलेसन वार्ड संचालनमा ल्याएको अस्पतालका सहायक निर्देशक डा. नितेश कुमार कनोडियाले जानकारी दिएका छन् ।
कोरोनाको पहिलो माहामारीमा पनि कोरोना बिशेष वार्ड संचालन गरेको नेपालगन्ज मेडिकल कलेजले कोरोना संक्रमण दर कम भएसँगै कोभिड वार्ड हटाएको थियो । केही हप्ता देखि बाँके तथा देशभर कोरोनाको संक्रमण दर ह्वात्तै बढेपछि नेपालगन्ज मेडिकल कलेजले पुनः कोभिड वार्ड संचालनमा ल्याएको हो ।
प्रतिक्रिया