काठमाडौं । नेपाल आयल निगमले १५ दिनकाबीच दुईपटक पेट्रोलियम पदार्थको मूल्य बढाएको छ ।
२२ चैतमा पेट्रोलियम पदार्थको मूल्य बढाएको निगमले आज राति १२ बजेदेखि लागू हुनेगरि पेरि पेट्रोल र डिजेल मट्टितेलमा मुल्य बृद्दी गरेको हो । निगमले प्रशाहित गरेको सुचनामा पेट्रोल र डिजेल मट्टितेलमा प्रतिलिटर १ रुपैयाँले बढाएको उल्लेख गरिएको छ ।
मूल्यवृद्धिसँगै काठमाडौं आसपासका क्षेत्रमा पेट्रोलको मूल्य प्रतिलिटर १२१ पुगेको छ भने डिजेल/मट्टितेलको मूल्य १०४ रुपैयाँ तय गरिएको छ ।
आन्तरिक उडानका लागि प्रयोग गरिने हवाई इन्धनको मूल्यमा पनि २ रुपैयाँ प्रतिलिटरले वृद्धि गरिएको निगमका प्रवक्ता विनितमणि उपाध्यायले जनाएका छन् । मूल्यवृद्धिसँगै हवाई इन्धनको मूल्य ७६ रुपैयाँ प्रतिलिटर पुगेको छ ।
एलपी ग्यास तथा अन्तर्राष्ट्रिय उडानका लागि प्रयोग गरिने हवाई इन्धनको मूल्य भने यथावत रहेको निगमले जनाएका छ ।
प्रतिक्रिया