काठमाडौं । नेकपा एमालेको अनुशासन आयोगका अध्यक्ष अमृतकुमार बोहोराले भोलि बोलाइएको महाधिवेशन आयोजक कमिटीको बैठक रोकन आग्रह गरेका छन् ।
बोहोराले आज एक विज्ञप्ति जारी गर्दै अध्यक्ष केपी शर्मा ओलीले सोमबारका लागि बोलाएको बैठक रोकेर पार्टी एकतालाई बचाउन आग्रह गरेका हुन् ।
बोहोराले वक्तव्यमा उत्तेजना, आवेश र अभिमान हावी भएर कुनै पनि निर्णय गर्न पार्टी नेतृत्वलाई सुझाव दिएका छन् । उनले अदालतको फैसालअनुसार पार्टीका संरचनाहरुलाई जेठ २, २०७५ को अवस्थामा कायम गर्नुपर्नेमा फागुन २०७७ फागुन २८ मा अध्यक्ष ओलीले एकलौटी निर्णय गर्दा समस्या उत्पन्न भएको भन्दै त्यसलाई खारेज गर्नुपर्ने जिकिर गरेका छन् ।
बोहोराले वक्तव्यमा भनेका छन्, ‘अहिलेको बिग्रिरहेको स्थितिलाई सुधार गर्न विविध उपायहरु खोजिनुपर्नेमा २०७८ वैशाख ८ गते आयोजक कमिटीको बैठक भनेर स्थितिलाई थप असहज बनाउने काम गरिँदैछ । यसलाई तत्काल रोकिनुपर्छ ।’
प्रतिक्रिया