नेपालगन्ज । जिल्लामा कोरोनाको कहर बढेपछि बाँके प्रशासनले सिमावर्ती बजार रुपैडियामा किनमेल जाने सर्वसाधारणमाथि कडाई गरेको छ । जिल्ला कोभिड १९ संकट ब्यवस्थापन समिति (डीसीसीएमसी)ले निर्णय गरेको भोलिपल्ट देखि प्रशासनले सिमामा कडाई थालेको हो ।
डीसीसीएमसीले अत्यावश्यक काम वा औषधी उपचार वा चिकित्कसकको प्रिस्केप्सनका आधारमा औषधी किन्न बाहेक सिमा पारी जान पूर्ण प्रतिबन्ध लगाउने निर्णय गरेसँगै प्रहरीले सिमामा कडाई गर्न थालेको हो ।
औषधी किन्न जाने बहानामा दैनी उपभोग्य सामान लिएर आएका सयौं सर्वसाधारणले ल्याएको उपभोग्यसामान प्रहरीले आजबाट जफत गर्न थालेको छ । सर्वसाधारणले ल्याएको दैनीक उपभोग्य समान प्रहरीले जफत गरेपछि आज मध्यान्ह जमुनाहा नाकामा केहिबेर सर्वसाधारण र प्रहरीबीच नताव समेत भएको थियो ।
प्रशासाले सिमामा कढाई गर्न थालेपछि जमुनाहा नाका सुनसान जस्तै बनेको छ । किनमेलका लागि भारतीय बजारमा जान रोक लगाएपछि किनमेलका लागि सर्वसाधारण आउने क्रम घटेको सिमा प्रहरी कार्यालय जमुनाहाले जनाएको छ ।
जिल्ला प्रहरी कार्यालयबाट खटिएको टोलीले शुक्रवार भारतीय सीमा बजारबाट किनमेल गरेर ल्याएको ठूलो परिमाणको खाद्य बस्तु नेपालगन्ज नाकाबाट नियन्त्रणमा लिएको थियो ।
प्रतिक्रिया