काठमाडौं । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओली भारतको टाङमुनि छिरेको आरोप लगाएका छन् ।
नेवि संघको ५२औं स्थापना दिवसको अवसरमा राजधानीको बाल्मिकी क्याम्पसमा आयोजित नेविसंघ केन्द्रीय समितिको कार्यक्रममा सभापति देउवाले ओली भारतको टाङमुनि छिरेर राष्ट्रवादी मुखुण्डो च्यातेको बताएका हुन् ।
ओलीले राष्ट्रवादको नाममा चुनाव जिते पनि उनी अहिले भारतीय इशारामा नाच्ने भैसकेको जिकिर गरे । देउवाले भने, ‘हिजो जो सबैभन्दा राष्ट्रवादी भन्ने ओली आज इन्डियाको तुमशरणम् भइसक्यो ।’ देउवाले ओली राष्ट्रवादी नभएर अवसरवादी भएको बताए ।
सभापति देउवाले ओली सरकार अहिले पनि बहुमतमा रहेको बताए । तर, ओली विरुद्ध बहुमत पुग्ने सम्भावना सुनिश्चित हुनासाथ उनको सरकार ढालिने स्पष्ट पारे ।
राजनीति सम्भावनाको खेल भएको भन्दै देउवाले भने, ‘नेकपा माओवादी केन्द्रले ओली सरकारलाई दिएको समर्थन फिर्ता गरेको छैन । ओलीलाई जसपाले साथ दिन खोजिरहेको छ । जुन दिन सरकार विरुद्ध बहुमत पुग्ने सम्भावना सुनिश्चित हुन्छ उनको सरकार ढालिन्छ ।’
प्रतिक्रिया