१२८१ कोरोना संक्रमित थपिए, थप ८ जनाको मृत्यु

काठमाडौं । कोरोना भाइरसको दोस्रो लहर नेपालमा महामारीकै रुपमा फैलिन थालेको छ । सोमबार १२सय ८२ नयाँ संक्रमित थपिएका छन् । यो संख्या आइतबारको भन्दा झण्डै दुई सय बढी हो ।

स्वास्थ्य तथा जनसंख्या मन्त्रालयले सोमबार अपरान्ह अपडेट गरेको पछिल्लो तथ्यांक अनुसार ७ हजार १ जनामा गरिएको पीसीआर परीक्षणमा १२ सय २७ जनालाई संक्रमण पुष्टि भएको छ । यस्तै, ५४७ जनामा गरिएको एन्टिजेन परीक्षणमा ५४ जनामा संक्रमण देखिएको मन्त्रालयले जनाएको छ ।

काठमाडौं उपत्यकामा ६३४ जना संक्रमित भेटिएका छन् । जसमध्ये काठमाडौंमा मात्रै ५०५ जना, ललितपुरमा ९७ र भक्तपुरमा ३२ जनामा संक्रमण पुष्टि भएको छ ।

नेपालमा हालसम्म दुई लाख ८५ हजार ९०० जनालाई संक्रमण भएको मन्त्रालयले जनाएको छ । सोमबार सक्रिय संक्रमितको संख्या ७२५४ रहेको छ भने २४ घण्टामा २५५ जना संक्रमित निको भएका छन् ।

पछिल्लो २४ घण्टामा कोरोना संक्रमणबाट ८ जनाको ज्यान गएको छ ।