काठमाडौं । भत्किएको धरहरा निर्माण गरेको राष्ट्रिय पुनर्निर्माण प्राधिकरणले ग्रेटर टुँडिखेलको मास्टर प्लान सार्वजनिक गरेको छ ।
पुनर्निर्माण प्राधिकरणले दुई वर्ष लगाएर तयार पारेको मास्टर प्लान सार्वजनिक गरेको हो । ग्रेटर टुँडिखेलमा रानीपोखरी, खुल्लामञ्च, टुँडिखेल, रंगशाला, भृकुटीमण्डप, धरहरा, केन्द्रीय कारागार क्षेत्रलाई समेटिएको छ ।
धरहरा उद्घाटनको क्रममा सार्वजनिक गरिएको ग्रेटर टुँडिखेल मास्टर प्लान सबै पक्षको सहमति लिएर आगामी वर्षदेखि कार्यान्वयना आउने अपेक्षा रहेको प्राधिकरणले जनाएको छ ।
धरहरा उद्घाटन भएकै दिनमा नागरिक आन्दोलनकारीहरुले तिनि ख्यः (तिं ख्यः)लाई खुला गर्न आग्रह गरेका छन् । उनीहरुले टुँडिखलमा नेपाली सेनाको तारबार हटाएर नागरिकका लागि खुला गर्न काठमाडौं महानगरपालिकालाई आग्रह गर्दै नागरिकले निस्फिक्री टहल्ने र सास फेर्ने हक सुनिश्चित गर्नुपर्ने माग गरेका छन् ।
उनीहरुले भनेका छन्, रानीपोखरीदेखि रंगशालासम्म, भृकुटीमण्डपदेखि माइतीघरसम्म पूरै तिनि ख्यः कायम गरिनुपर्दछ । लोकतन्त्र बलियो बनाउन समुदायको सम्पदा समुदायकै जिम्मा फर्काउनुपर्दछ ।’
ग्रेटर टुँडिखेल भिडियो
प्रतिक्रिया