काठमाडौं । नेकपा एमाले महाधिवेशन आयोजक कमिटीको बैठक बालुवाटारमा ढिलो गरी सुरु भएको छ ।
बिहान साढे १० बजे बस्ने भनिए पनि त्यसअघि स्थायी कमिटी बैठक बसेका कारण महाधिवेशन आयोजक कमिटी बैठक बस्न ढिला भएको हो ।
बैठकले स्पष्टीकरण सोधिएका माधवकुमार नेपालसहित २७ जना सांसदहरुमध्ये केही सांसदलाई कारवाही गर्ने बुझिएको छ । यही बैशाख ७ गते अध्यक्ष केपी शर्मा ओलीले २७ जना सांसदलाई कारवाही किन नगर्ने भनेर स्पष्टीकरण सोधेका थिए । स्पष्टीकरणबारे निर्णय गर्ने जिम्मा स्थायी कमिटीले पाएको थियो ।
अध्यक्ष ओलीले नवौं महाधिवेशनबाट पारित विधान संशोधन गर्दै स्थायी कमिटी भंग गरेका थिए । त्यसपछि यही बैशाख १० गतेको महाधिवेशन आयोजक कमिटी बैठकबाट आफु अनुकुल नेताहरुसम्मिलित १९ सदस्यीय स्थायी कमिटी गठन गरेका थिए ।
प्रतिक्रिया