ट्युमरको अपरेशनका लागि डा बाबुराम भट्टराई वीर अस्पताल भर्ना हुँदै

काठमाडौं । पूर्वप्रधानमन्त्री एवं जनता समाजवादी पार्टी (जसपा)को संघीय परिषद् अध्यक्ष डा. बाबुराम भट्टराईको ट्युमरको अपरेशन हुने भएको छ ।

न्युरो-इन्डोक्राइनको ट्युमरको अपरेशन गर्न भट्टराई वीर अस्पताल भर्ना हुनेभएका छन् । अस्पतालका डाक्टर सुवोध अधिकारी नेतृत्वको टोलीले भोलि अपरेशन गर्ने भट्टराईका प्रेस सल्लाहकार विश्वदीप पाण्डेले जनाएका छन् ।

डा. भट्टराईले यसअघि क्यान्सरको शंका लागेपछि भारतको दिल्लीमा पुगेर स्वास्थ्य परीक्षण गरेका थिए । उनको वायोप्सी, ‘DOTA NOC’  परीक्षण,  ‘PET CT Scan’  सहित अन्य परीक्षणपछि चिकित्सकहरुले ट्युमरमा क्यान्सर नभएको पुष्टि गरेका थिए । तर छिटो सो ट्युमरको अपरेशन गर्नुपर्ने सुझाव दिएका थिए । सोही सुझावअनुसार भट्टराईले ट्युमरको शल्यक्रिया गर्न लागेका हुन् ।