काठमाडौं । काठमाडौं उपत्यकामा २४ घण्टाभित्र झण्डै ३ हजार जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले काठमाडौं उपत्यकासहित २२ जिल्लामा कोरोना संक्रमण नियन्त्रणबाहिर जानलागेको भन्दै आम सर्वसाधारणलाई सचेत गराएलगत्तै मन्त्रालयले सार्वजनिक गरेको तथ्यांकमा २९५६ जनामा संक्रमण पुष्टि भएको हो ।
पछिल्लो समयमा यति धेरै संक्रमण एकै दिनमा भएको यो नै पहिलो रेकर्ड हो ।
उपत्यकाभित्र काठमाडौं जिल्लामा मात्रै २४०४ जनालाई संक्रमण देखिएको छ । यस्तै ललितपुरमा ४१९ र भक्तपुरमा १३३ जनामा संक्रमण पुष्टि भएको मन्त्रालयको तथ्यांले जनाएको छ ।
कोरोना नियन्त्रणका लागि बिहीबारदेखि उपत्यकामा निषेधाज्ञा पनि लगाइएको छ । यो निषेधाज्ञाले कोरोना संक्रमणको ब्रेकडाउन गर्न अझै केही दिन लाग्ने भएका कारण त्यतिन्जेलसम्म उपत्यकामा अझै संक्रमण दर बढ्नसक्ने देखिएको छ ।
प्रतिक्रिया