काठमाडौं । हरेक १० वर्षमा लिइन राष्ट्रिय जनगणना स्थगित भएको छ ।
आइतबार बसेको मन्त्रिपरिषद बैठकले राष्ट्रिय जनगणना २०७८ स्थगित गरेको हो ।
जनगणना जेठ २५ गतेदेखि असार ७ गतेसम्म हुने तय भएको थियो । तर, कोरोना भाइरसको महामारीका कारण घरघरमा पुगेर गणकहरुले जनगणना गर्न नसक्ने भएका कारण अभियान स्थगित गर्ने निर्णय भएको सरकारका प्रवक्ता सञ्चार तथा सूचना प्रविधिमन्त्री पार्वत गुरुङले जानकारी दिएका छन् ।
राष्ट्रिय जनगणना स्थगित भएसँगै यही वैशाख १६ गतेदेखि सुरु गरिएको गणक र सुपरिवेक्षकहरुको तालिम पनि स्थगित गरिएको छ । स्थगित जनगणनाको काम कहिलेबाट सुरु हुन्छ भन्ने अवस्था तत्कालै नरहेको बताइएको छ ।
प्रतिक्रिया