औद्योगिक क्षेत्र उद्योग संघले दियो ५० वटा अक्सिजन सिलिण्डर

खबर कुरा
२७ बैशाख २०७८, सोमबार
                 

बुटवल । कोरोना संक्रमितहरुको उपचारमा रहेको अक्सिजनको अभावपूर्तिका लागि यस क्षेत्रका सामाजिक तथा व्यवसायी संघसंस्थाहरुले विभिन्न प्रकारले सहयोग गर्दै आएका छन् ।

पछिल्लो समयमा वजारमा देखिएको अक्सिजन सिलिन्डरको अभावलाई कम गर्न बुटवल औद्योगिक क्षेत्र उद्योग संघले आफ्ना सदस्य उद्योगहरुले प्रयोग गर्दै आएका सिलिन्डरहरु संकलन गरि प्रदेश सरकार तथा स्थानिय सरकारलाई हस्तान्तरण गरेको छ ।

संघका अध्यक्ष हिरामणी भट्टराईका अनुसार संघको सक्रियतामा बुटवल औद्योगिक क्षेत्रभित्रका उद्योगहरुबाट ५० वटा अक्सिजनका सिलिन्डरहरु संकलन गरि लुम्बिनी प्रदेश सरकार र बुटवल उपमहानगरपालिकालाई दिएको छ ।

संघले दुई चरणमा गरि ति सिलिण्डरहरु संकलन गरिएको महासचिव नेत्रनारायण भण्डारीले बताए । औद्योगिक क्षेत्रमा सञ्चालनमा रहेका विभिन्न प्रक्रितिका उद्योगहरुले आफ्नो उत्पादन कार्यका लागि प्रयोग गरिदै आएका सिलिण्डरहरु कोरोना उपचारका लागि उपलब्ध गराएको जनाइएको छ ।

औद्योगिक उत्पादनभन्दा मान्छेको स्वाश्थ्य महत्वपूर्ण भएको हुदाँ उद्योगीहरुले संघले गरेको अनुरोधलाई आत्मसाथ गरि सिलिण्डरहरु दिएको संघका अध्यक्ष भट्टराईले बताए ।

 

यसमा तपाइको मत

Your email address will not be published. Required fields are marked *


*