काठमाडौं । संघीय संसदका सांसदहरुलाई कोरोना भाइरस विरुद्धको भारतीय खोप कोभिसिल्डको दोस्रो डोज लगाउन सुरु गरिएको छ ।
संघीय संसद भवन नयाँ वानेश्वरको लोत्से हलमा सभामुख अग्निप्रसाद सापकोटाले दोस्रो डोज खोप लगाएका छन् । अन्य सांसदहरुले पनि खोप लगाइरहेका छन् ।
खोप आज भोलि र पर्सिसम्म लगाउने व्यवस्था मिलाइएको छ । शुक्रबारका लागि प्रतिनिधिसभाका सभामुख, राष्ट्रियसभाका अध्यक्ष, उपाध्यक्ष लगायत दुवै सदनका सांसदहरु, पदाधिकारीहरुका निजी सजिवालयका सबै कर्मचारीका लागि खोप लगाउने व्यवस्था मिलाईएको छ ।
लोत्सेहलमा भएको खोप कार्यक्रममा सांसदहरु, पदाधिकारीहरुका निजी सचिवालयका कर्मचारी, सुरक्षाकर्मी लगायतले कोभिडसिल्डको दोश्रो खोप लगाएका छन् । बिहान १० बजेदेखि ४ बजेसम्म खोप लगाईने सचिवालयले जनाएको छ ।
त्यसैगरी भोलि सनिबार संघीय संसद सचिवालयका सम्पुर्ण कर्मचारीहरु, अन्तराष्ट्रिय सम्मेलन केन्द्र र नयाँवानेश्वरमा कार्यरत सम्पुर्ण कर्मचारीहरुलाई र आईतबार स्वकीय सचिव लगायतका सबै कर्मचारीहरु, मर्यादापालक, सुरक्षासँग सम्बन्धित सबै कर्मचारी, संसदीय मामिलाका सबै पत्रकारहरुलाई खोपको दोश्रो डोज लगाउने कार्यक्रम रहेको छ ।
प्रतिक्रिया