काठमाडौं । पूर्वप्रधानमन्त्री एवं जनता समाजवादी पार्टीको संघीय परिषद् अध्यक्ष डा. बाबुराम भट्टराईले आफुले प्रधानमन्त्रीलाई भेट गरेको स्पष्ट पारेका छन् ।
डा. भट्टराईले आइतबार बिहान ट्वीटरमार्फत आफुले प्रधानमन्त्री केपी शर्मा ओलीलाई राष्ट्रिय सरकार गठनको विषयमा छलफल गर्न भेट गरेको स्पष्ट पारेका हुन् । भट्टराईले यस्तो सरकारका विषयमा ओलीले असहमति जनाएपछि आफुले अरु कसैलाई नभनेको पनि जनाएका छन् ।
भट्टराईले भनेका छन्, ‘महाविपत्ति उन्मुख देशलाई निकास दिन मैले व्यक्ति ओली हैन प्रम ओलीलाई भेटेकै हो । मैले वर्तमानरपूर्व प्रम बाहेकका व्यक्तिको नेतृत्वमा राष्ट्रिय सरकार बनाऊ भनेकै हो । वहाँले नमानेपछि अरूलाई नभनेको हुँ ।’
भट्टराईले आफुले महावित्तिउन्मुख देशलाई निकास दिन व्यक्ति केपी शर्मा ओलीलाई नभै प्रधानमन्त्री केपी शर्मा ओलीलाई भेट गरेको स्पष्ट पारेका छन् । उनले संविधानको धारा ७६ को ५ अनुसार अझै पनि त्यस्तो सरकार बनाउने सकिने बताउँदै त्यसबारे सोच्न आग्रह गरेका छन् ।
प्रमले दूतमार्फत बोलेकाले बोल्नैपर्ने भयो-महाविपत्ति उन्मुख देशलाई निकास दिन मैले ब्यक्ति ओली हैन प्रम ओलीलाई भेटेकै हो।मैले वर्तमान/पूर्व प्रम बाहेकका व्यक्तिको नेतृत्वमा राष्ट्रिय सरकार बनाऊॅ भनेकै हो।वहाॅले नमानेपछि अरूलाई नभनेको हुॅ।अझै पनि धारा७६(५)बमोजिम बनाउन सकिन्छ।सोचौं! https://t.co/PPC5YhVfFc
— Baburam Bhattarai (@brb1954) May 16, 2021
प्रतिक्रिया