शेयर बजारमा नयाँ रेकर्ड: झन्डै १२ अर्वको कारोबार, नेप्से सूचक भने घट्यो

काठमाडौ । शेयर बजारले कारोबार रकममा नयाँ रेकर्ड कायम गरेको छ । बुधबारको कारोबारमा ११ अर्ब ९५ करोड रुपैयाँभन्दा बढीको सेयर कारोबार भएको हो । कोरोबार रकममा रेकर्ड तोडे पनि नेप्से सूचक भने १३.०९ अंकले घटेर २७८०.८१ विन्दुमा आइपुगेको छ ।

बुधबार बैंकिङ, व्यापार, होटल तथा पर्यटन, फाइनान्स र म्युचुअल फण्ड बढेका छन् भने बाँकी सबै समूह घटेका छन् । बुधबार धेरै कमाउनेमा समता घरेलु लघुवित्त र रुरु जलविद्युत कम्पनी दोस्रो नम्बरमा देखिएको छ ।

यस्तै आजको कारोवारमा २ सय १४ कम्पनीको २ करोड ५१ लाख २१ हजारभन्दा बढी कित्ता सेयर खरिद बिक्री भएको हो ।जाहाँ नेपाल पुनर्बिमा कम्पनी कारोबार रकम ५५ करोड ६९ लाख रुपैयाँ भन्दा बढी सर्बाधिक कारोबार भएको छ । ।