पोखरा । पछिल्लो २४ घण्टामा गण्डकी प्रदेशमा थप ७४४ जनामा कोरोना सक्रमित पुष्टि भएको छ ।
प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार आज १ हजार ७३४ जनामा गरिएको नमुना परिक्षणमा थप ७४४ जनाको रिपोर्ट कोरोना पोजेटिभ आएको हो ।
आज संक्रमण पुष्टि हुनेमा कास्कीका २६३ जना, तनहुँका १०४ जना, गोरखाका ११ जना, लमजुङका २३ जना, नवलपुरका १३३ जना र स्याङ्गजाका ८८ जना छन ।
यस्तै, पर्वतका ५९ जना, बाग्लुङका २१ जना, म्याग्दीका ३८ जना, मुस्ताङका दुई जना र मनाङ जिल्लाका दुई जना छन ।
आज पुष्टि भएकासंगै गण्डकी प्रदेशमा कोरोना संक्रमितको कूल संख्या ३५ हजार ३२६ पुगेको छ ।
पछिल्लो २४ घण्टामा प्रदेशमा ६५३ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या २४ हजार ४२० पुगेको छ ।
सोमबार पनि गण्डकी प्रदेशमा थप २० जनाको मृत्यु भएको छ । आज मृत्यु हुनेमा कास्कीका तीन जना, तनहुँका दुई जना, स्याङ्गजाका छ जना, पर्वतका चार जना, बाग्लुङका चार जना र मुस्ताङ जिल्लाका एक जना छन ।
आज पुष्टि भएकासंगै गण्डकीमा कोरोना संक्रमणका कारण मृत्यु हुनेको संख्या ५५१ पुगेको छ ।
प्रतिक्रिया