काठमाडौं । प्रधानन्यायाधीस चोलेन्द्र शम्सेर राणा गठन गरेको संवैधानिक इजलासको पुनर्गठनको माग गर्दै सर्वोच्च बारले प्रधानन्यायाधीससँग भेटवार्ता गरेको छ । अहिले प्रधानन्यायाधीश राणा र सर्वोच्च बारबीच छलफल जारी छ ।
इजलास गठनका विषयमा उठेका प्रश्न तथा विवाद निवारणका सम्बन्धमा राणा र सर्वोच्च बारका अध्यक्ष पूर्णमान शाक्य सहितको टोलिकाबीच छलफल भइरहेको हो ।
संवैधानिक इजलासमा न्यायाधीश बमकुमार श्रेष्ठ र तेजबहादुर केसीलाई राख्न नहुने वकिलहरूले अडान लिएको सम्बन्धमा छलफल गर्न बारको टोलि प्रधानन्यायाधीस भेट्न गएको हो । वकिलहरुले इजलास पुनर्गठनको माग गरेपनि आजको इजलासमा प्रधानन्यायाधीस राणाले पुरानै नामहरु समावेश गरेका छन् ।
प्रतिनिधिसभा विघटनको मुद्दामा स्वार्थ बाझिएको भनेर कानुन व्यवसायीहरुले दुई न्यायाधीशलाई इजलासबाट पछाडी हट्न दबाव दिएका थिए । त्यसबारे निर्णय गर्नका लागि सोमबार पेशी नै स्थगित गरिएको थियो ।
प्रतिक्रिया