पोखरा । पृथ्वी सुब्बा गुरुङको सरकार ढलेपछि उनले नियुक्त गरेका गण्डकी प्रदेश महान्यायाधिवक्ता डा. राजेन्द्र घिमिरेले राजीनामा दिएका छन्।
महान्यायाधिवक्ता डा. घिमिरेले आफ्नो पदबाट आज राजीनामा दिएका हुन् । घिमिरेले प्रदेश प्रमुख सीताकुमारी पौडेल समक्ष उनले राजीनामा बुझाएका छन् । उनलाई निवर्तमान मुख्यमन्त्री गुरुङले २०७४ फागुन २१ गते महान्यायाधिवक्ता नियुक्त गरेका थिए।
महान्यायाधिवक्ताको रुपमा घिमिरेले ३ वर्ष ३ महिना काम गरेका छन्। त्यसअवधीमा आफुले गरेको कार्यसम्पादनका क्रममा कुनै त्रुटी भए माफी दिन आग्रह गरेका छन् । घिमिरेले आफ्नो कार्यकालमा सहयोग गर्नेलाई धन्यवाद पनि दिएका छन्।
गत २७ गते प्रदेशसभामा विश्वासको मत हासिल गर्न नसकेपछि गुरुङ नेतृत्वको सरकार ढलेको थियो । त्यसपछि विपक्षी गठबन्धनको बहुमतसहित नेपाली कांग्रेस संसदीय दलका नेता कृष्णचन्द्र नेपाली मुख्यमन्त्री बनेका छन् । नेपालीले शनिबार पाँच सदस्यीय मन्त्रिपरिषद् गठन गरिसकेका छन् ।
प्रतिक्रिया