काठमाडौं । प्रधानमन्त्री केपी शर्मा ओलीविरुद्धु आपत्तिजनक अभिव्यत्ति दिने नेपाली कांग्रेसका बागमती प्रदेश सांसद नरोत्तम बैद्यविरुद्ध एमाले मकवानपुरका युवा कार्यकर्ताले आपराधिक दुरुत्साहनको जाहेरी दर्ता गराएका छन् ।
संसद बैठकमा दुई दिनअघि सांसद बैद्यले प्रधानमन्त्री ओलीविरुद्ध आवश्यक परे आफू नाथुराम गोड्से पनि बन्न तयार रहेको बिषयमा मकवानपुर युवा संघका सदस्य अनिल काफ्लेले जाहेरी दर्ता गराएका हुन् ।
संविधानको धारा १७ (१) र फौजदारी संहिता अनुसार बैद्यले बोलेको बिषयले आपराधीक दुरुत्साहन हुने दाबी गर्दै काफ्लेले जाहेरी दिएका हुन् । बैद्यको अभिव्यक्ति विरुद्ध सर्वत्र आलोचना भएपछि बैद्यले शनिबार सार्वजनिकरुपमा आत्मालोचना गर्दै आपत्तिजनक वाक्य फिर्ता लिएको बताएका थिए ।
वैद्यविरुद्ध आपराधिक दुरुत्साहनमा जाहेरी दर्ता भएको मकवानपुर प्रहरीले पुष्टि गरेको छ ।
प्रतिक्रिया