बुटवल । कोभिड-१९ को संक्रमणसंगै जारी निषेधाज्ञा र अविरल वर्षाका कारण दैनिक गुजारा चलाउन आम नागरिकलाई कठिन छ ।
यस्तोमा धेरै संघसंस्थाहरुले आआफ्नो क्षेत्रबाट सहयोग गरिरहेका छन ।
दैनिक मजदुरीबाट बन्चित भएर भोकभोकै बस्न बाध्य करिब २ सय जनालाई बुटवल उद्योग बाणिज्य संघ कस्मेटिक तथा गिफ्ट बस्तुगत समिती बुधबार खाना खुवाएको हो ।
राधाकृष्ण मन्दिर परिसरमा तिनाउ वरिपरि बाढीले बिस्तापित तथा ज्याला मजदुरीबाट बन्चितहरुलाई भोजन गराएको समितिका सभापति अलिम दिनले बताए ।
कार्यक्रममा उधोग बाणिज्य संघ बुटवलका अध्यक्ष उज्ज्वल कसजुले खाना खुवाएर शुरुवात गरे । संघ अन्तरगतका सबै उपसमिति ब्यवसायसंगै सामाजिक कार्यमा अग्रसर रहेको उनले बताए । यस्ता कामले नै आफुहरु यो क्षेत्रमा फरक पहिचान बनाउन सफल भएको उनले दाबी गरे ।
समितिका उपासभापति तथा संयोजक बिष्णु उपाध्यायले कोभिड संक्रमण न्युनिकरण गर्न आम्दा कोरोना अस्पताल संचालनका लागि आफुहरुले कस्मेटिक तथा गिफ्ट बस्तुगत समितिमार्फत १ लाख २५ हजार समेत हस्तान्तरण गरिसकेको बताए ।
समितका सचिब सन्तोष नेपालले कार्यक्रमको आवश्यकता अनुसार नियमित गरिने बताए । संघ अन्तरगत १० बस्तुगत उपसमिति छन भने कस्मेटिक उपसमितिमा करीब ४ दर्जन सदस्यहरु छन ।
प्रतिक्रिया