काठमाडौं । विपक्षी ५ दलले अग्रभागका प्रेस सम्पादकहरुसँग अन्तरक्रिया गरेको भोलीपल्ट प्रतिनिधिसभाका सभामुख अग्निप्रसाद सापकोटाले पनि सम्पादकहरुसँग अन्तरक्रिया गर्ने भएका छन् । सभामुख सापकोटाले पछिल्लो राजनीतिक परिस्थितिबारेआज विभिन्न मिडियाका सम्पादकहरूसँग अन्तरक्रिया गर्न लागेका हुन् ।
प्रतिनिधिसभा विघटन विरुद्धको मुद्दामा सभामुखलाई पनि विपक्षी बनाईएको भएपनि सभामुख सापकोटाले प्रधानमन्त्री केपी शर्मा ओलीले गरेको प्रतिनिधिसभा विघटनको विपक्षमा उभिदै रिट निवेदकहरुलाई सहज हुने प्रतिउत्रर लगाएका छन् त्यसैगरी, सभामुख सापकोटाले अध्यादेशमार्फत गरिएका संवैधानिक नियुक्तिहरुको पनि विरोध गर्दै आएका छन् ।
दोस्रोपटक संसद विघटन भए लगत्तै सापकोटाले ‘असाधारण निर्णय लिन सक्ने’ सँकेत गरेका थिए ।
सम्पादकहरुसँग अन्तरक्रिया गर्नका लागि दिउँसो नयाँ बानेश्वरस्थित संसद भवनमा कार्यक्रम तय भएको सभामुखको सचिवालयले जनाएको छ ।
प्रतिक्रिया