१५ चैत्र २०८०, बिहिबार | March 28, 2024

जसपा खारेजीको माग गर्दै सर्वोच्च अदालतमा रिट दर्ता



काठमाडौं । जनता समाजवादी पार्टी (जसपा) लाई खारेज गर्न माग गर्दै सर्वोच्च अदालतमा रिट दर्ता भएको छ।

तत्कालिन राजपाका उपाध्यक्ष राजकुमार थापाको तर्फबाट अधिवक्ता हृदयराज मिश्रले उत्प्रेषणको आदेश माग गर्दै रिट दर्ता गराएका हुन्।

तत्कालीन राष्ट्रिय जनता पार्टी (राजपा) र समाजवादी पार्टी नेपाल बीचको एकीकरण वैधानिक नभएको रिटमा दाबी गरिएको छ । रिटमा एकीकरण खारेज गरी साविककै राजपा र समाजवादी पार्टी कायम गर्न गराउन माग गरिएको छ ।

निर्वाचन आयोगलाई समेत विपक्षी बनाइएको रिटमा मुद्दाको अन्तिम टुंगो नलागेसम्म जसपाको राजनीतिक क्रियाकलाप, सदस्य हेरफेर तथा अन्य सबै कामकारवाही यथास्थितिमा राख्न माग गरिएको छ । यस्तै, राजनीतिक गतिविधिको सिलसिलामा हुने कुनै पनि निर्णयलाई रोक्नका लागि मुद्दालाई अग्राधिकार दिन माग गरिएको छ ।

प्रधानमन्त्री केपी शर्मा ओलीले समाजवादी पार्टी फुटाउने उद्देश्यले दल विभाजनसम्बन्धी अध्यादेश जारी गरेपछि तत्कालिन राजपा र समाजवादी पार्टीबीच रातारात सहमति गरी २०७७ १० वैशाख गते पार्टी एकता भएको घोषणा भएको थियो । एकीकरणपछि जनता समाजवादी पार्टी बनेपनि तल्लो कमिटीसम्म एकीकरण प्रक्रिया पुरा भएको थिए ।

अहिले ओली सरकारमा सामेल हुने या नहुने भन्ने विषयबाट बढेको विवाद उत्कर्षमा पुग्दा जसपा व्यवहारिक रुपमा फुटिसकेको छ । जसपाको विवाद हाल निर्वाचन आयोगमा रहेको छ। आयोगले यही असार २२ गते जसपाका दुवै पक्षलाई सहमतिका लागि बोलाएपनि सहमति हुन नसकी मिल्न नसक्ने पत्रमा हस्ताक्षर गरेर फर्किएका थिए । आयोगले विवाद टुंग्याउनका लागि इजलास समेत गठन गरिसकेको छ ।

प्रकाशित मिति : २७ असार २०७८, आइतबार  ६ : ४३ बजे

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई

बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट

राष्ट्रियसभाकी उपाध्यक्ष उर्मिला अर्यालको राजीनामा

काठमाडौं । राष्ट्रियसभाकी उपाध्यक्ष उर्मिला अर्यालले पदबाट राजीनामा दिएकी छन्