काठमाडौं । राष्ट्रपति विद्यादेवी भण्डारीले नेपाली कांग्रेसका सभापति शेरबहादुर देउवालाई प्रधानमन्त्रीमा नियुक्त गरेकी छिन् ।
सर्वोच्च अदालतले देउवालाई प्रधानमन्त्रीमा २८ घण्टाभित्र नियुक्त गर्न सोमबार परमादेश दिएपछि राष्ट्रपति भण्डारीले नियुक्त गरेकी हुन् ।
भण्डारीले संविधानको धारा ७६ को उपधारा ५ अनुसार देउवालाई प्रधानमन्त्रीमा नियुक्त गरेकी छिन् ।
देउवालाई प्रधानमन्त्रीमा नियुक्त गरेलगत्तै राष्ट्रपति कार्यालयले सपथ ग्रहणको साइत हेराउन लागेको छ । साइत जुरे लगत्तै आजै देउवाको सपथ ग्रहण हुने राष्ट्रपति कार्यालयले जनाएको छ ।
देउवाले आजै माओवादी केन्द्रलाई समेत मिलाएर सानो आकारको मन्त्रिपरिषद् गठन गर्ने तयारी गरेका छन् । यसका लागि देउवा निवासमा माओवादी अध्यक्ष प्रचण्ड र देउवाबीच छलफल भएको छ ।
प्रतिक्रिया