काठमाडौं । नेकपा एमालेका अध्यक्ष केपी शर्मा ओलीले एकै दिन पार्टी स्थायी कमिटी बैठक र संसदीयदलको बैठक डाकेका छन् । अध्यक्ष ओलीले शुक्रबार बिहान ११ बजेका लागि पार्टीको स्थायी कमिटी बैठक बोलाएका छन् भने ३ बजे संसदीयदलको बैठक डाकेका छन् ।
स्थायी कमिटी बैठक ललितपुरको च्यासलस्थित तुल्सीलाल स्मृति प्रतिष्ठानको भवनमा बस्नेछ भने संसदीय दलको बैठक सिंहदरवार स्थित एमाले संसदीय दलको कार्यालयमा बस्ने बताईएको छ ।
सर्वोच्च अदालतको आदेशमा शेरबहादुर देउवा प्रधानमन्त्री नियुक्त भएको र साउन ३ गतेका लागि संसद अधिवेशन आह्वान भइसकेको अवस्थामा एमालेको आन्तरिक रणनीति बनाउन बैठक बोलाईएको एमालेका एमजना स्थायी कमिटी सदस्यले बताए ।
पार्टी भित्रको विवाद र संसदमा पार्टीले खेल्ने भूमिका लगायतका विषयमा बैठकमा छलफल हुने एमाले ती नेताले जानकारी दिए ।
प्रतिक्रिया