काठमाडौं । मन्त्रिपरिषद् विस्तारका विषयमा छलफल गर्न सत्तारुढ गठबन्धनका शीर्ष नेताहरुको बैठक बसेको ।
प्रधानमन्त्रीको सरकारी निवास बालुवाटारमा बसेको बैठकमा मन्त्रिपरिषद् विस्तारको विषयमा छलफल भैरहेको छ ।
बुधबार बसको गठबन्धनको बैठकले शीर्ष नेताहरु बसेर मन्त्रिपरिषद् विस्तारको विषयमा निर्णय गर्ने निर्णय गरेको थियो ।
गठबन्धन दलहरुले आन्तरिक रुपमा मन्त्री छान्न नसक्दा सरकार बनेको दुई साता पुग्दा पनि मन्त्रिपरिषद् विस्तार हुन सकेको छैन ।
दलहरुले मन्त्रिपरिषद् विस्तार गर्न जनता समाजवादी पार्टी जसपाको आधिकारिकता र एमालेको नेपाल पक्षको निर्णय पर्खेर बसेको भनेका थिए । तर अब जसपाले आधिकारिकता पाइसकेको र नेपाल पक्ष तत्काल सरकारमा सहभागी नहुने बताएपछिको अवस्थामा छिटो मन्त्रिपरिषद् विस्तार गर्नेपर्ने दबाबमा छन् ।
कांग्रेस माओवादी केन्द्र र जसपाभित्रै भने कसलाई मन्त्री बनाउने विषयमा पेचिलो रहेका छ ।
यद्यपी प्रधानमन्त्री देउवाले अब ढिला नगरी मन्त्रिपरिषद् विस्तार गर्नुपर्ने भन्दै छलफललाई तिब्रता दिएका छन् ।
प्रतिक्रिया