काठमाडौं । सत्तारुढ गठबन्धनका शीर्ष नेता र गठबन्धनको कार्यदलबीच संयुक्त छलफल भैरहेको छ
आज सार्वजनिक गर्न लागि एको सरकारको साझा न्यूनतम कार्यक्रमका विषयमा गठनबन्धनका नेताहरुबीच छलफल भएको हो । प्रधानमन्त्री निवास बालुवाटारमा जारी छलफलबाट कार्यदलले तयार पारेको प्रतिवेदनमाथि अन्तिम निस्कर्ष निकालिने छ ।
छलफलमा प्रधानमन्त्री शेरबहादुर देउवा, माओवादी केन्द्रका अध्यक्ष प्रचण्ड, जनता समाजवादी पार्टी जसपाका अध्यक्ष उपेन्द्र यादव, राष्ट्रिय जनमोर्चाका अध्यक्ष चित्रबहादुर केसी लगायतका नेताहरु र कार्यदल सदस्यहरु रहेका छन् ।
कार्यदलले दुई दिन अघि गठबन्धनका शीर्ष नेताहरुलाई प्रतिवेदन बुझाएको थियो । साझा कार्यक्रममा महामारी नियन्त्रणमा सरकारको प्राथमिकता, संघीयता सुदृढिकरण, परराष्ट्र नीति, मन्त्रीहरुको आचारसंहिता लगायतका विषय समेटिएको छ ।
छलफल पनि आजै न्यूनतम साझा कार्यक्रम सार्वजनिक गर्ने तयारी छ । त्यसपछि मात्र प्रधानमन्त्री शेरबहादुर देउवा नेतृत्वको मन्त्रिपरिषद् विस्तार हुने बताइएको छ ।
प्रतिक्रिया