१३ बैशाख २०८१, बिहिबार | April 25, 2024

सरकारको साझा न्यूनतम कार्यक्रम सार्वजनिक, स्वास्थ्य सामाग्री खरिदमा अनियमितता गर्नेलाई कारवाही



काठमाडौं । गठबन्धन सरकारले साझा न्यूनतम कार्यक्रम सार्वजनिक गरेको छ ।

सिंहदरबारमा आयोजित पत्रकार सम्मेलनमार्फत सरकारको न्यूनतम साझा कार्यक्रम सार्वजनिक गरिएको हो ।

पत्रकार सम्मेलनमा प्रधानमन्त्री शेरबहादुर देउवासहित गठबन्धनका शीर्ष नेताहरु उपस्थितिमा कार्यदलका संयोजक पूर्णबहादुर खड्काले साझा कार्यक्रम सार्वजनिक गरेका छन् ।

साझा कार्यक्रममा स्वास्थ्य सामग्री खरिदमा भएको अनियमितताको छानबिन गर्ने जनाइएको छ । छानविनबाट दोषी देखिएका व्यक्ति तथा संस्थालाई कारबाही गर्ने कार्यक्रममा उल्लेख गरिएको छ ।

आगामी असोजसम्म एकतिहाई नागरिकलाई र चैत्र मसान्तसम्म सबै नागरिकलाई निःशुल्क खोप उपलब्ध गराउने प्रतिवद्धता पनि साझा कार्यक्रममा उल्लेख गरिएको छ ।

यस्तै, साझा कार्यक्रममार्फत सरकारले प्रदेश र स्थानीय तहलाई संविधान बमोजिम अधिकार सम्पन्न बनाउने नीति लिएको छ । साझा न्यूनतम कार्यक्रम वाचन गर्दै कार्यदलका संयोजक पूर्णबहादुर खड्काले भने, ‘प्रदेश र स्थानीय तहलाई संविधान बमोजिम अधिकार सम्पन्न बनाउन आवश्यक कार्य गर्नेछ ।’

कार्यक्रममा कोभिड–१९ बाट उत्पन्न महाविपत्तिबाट मुक्ति, राष्ट्रियहितको सम्वर्द्धन, संघीयताको कार्यान्वयन र संघीय लोकतान्त्रिक गणतन्त्रको सुदृढीकरण, शान्ति सुरक्षाको प्रत्याभूति, सुशासन र सदाचार, शान्ति प्रक्रियाको पूर्णता, आर्थिक नीति तथा कार्यक्रम, सामाजिक रुपान्तरण, तत्कालिक राहत पुनःनिर्माण तथा पुनःस्थापना, अन्तर्राष्ट्रिय सम्बन्धलगायतका विषय समेटिएको छ । यस्तै मन्त्रीहरुले पालना गर्नुपर्ने आचारसंहिता पनि कार्यान्वयमा ल्याइएको छ ।

सत्तारुढ गठबन्धनका सहयात्री दलहरु कांग्रेस, माओवादी केन्द्र र जनता समाजवादी पार्टीका नेता सम्मिलित कार्यदलले साझा कार्यक्रम तयार गरेको हो । आजै बसेको गठबन्धनका शीर्ष नेताहरुको बैठकले कार्यक्रमलाई पारित गरेको थियो ।

प्रकाशित मिति : २४ श्रावण २०७८, आइतबार  ५ : २४ बजे

एएचजेड यूके युनिभर्सिटी रिप्रेजेन्टेटिभको नयाँ शाखा बुटवलमा सञ्चालन

बुटवल । अध्ययनका लागि बेलायत जाने विद्यार्थीहरुलाई लक्षित गरि बुटवलमा

भीम रावलले गरे एमाले छोड्ने संकेत !

काठमाडौं । नेकपा एमालेका नेता एवं पूर्व उपप्रधानमन्त्री डा. भीम

कर्णालीका मुख्यमन्त्री कँडेलले पाए विश्वासको मत

सुर्खेत । कर्णाली प्रदेशका मुख्यमन्त्री यामलाल कँडेलले विश्वासको मत पाएका

वर्ल्ड लिंकको इन्टरनेट ९ लाख घरधुरीमा पुग्यो

बुटवल । देशको सबैभन्दा ठूलो इन्टरनेट सेवाप्रदायक कम्पनी वर्ल्ड लिंक

बुटवल ११ बुद्धनगर खानेपानी उपभोक्ता समिति र टोल विकास संस्था बीच जग्गा विवाद !

बुटवल । बुटवल उपमहानगरपालिका-११ बुद्धनगरमा जग्गा भोग चलनको विषयलाई लिएर