काठमाडौं । नेपाली कांग्रेसका वरिष्ठ नेता रामचन्द्र पौडेलले पार्टीको १४ औँ महाधिवेशन सार्ने तयारी गरेको प्रति असन्तुष्टि जनाएका छन ।
पार्टीको विधानले चार वर्ष कार्यकाल तोकिएको भएपनि असाधारण परिस्थिति भनेर एक वर्ष थपिएको र देशको संविधानलाई समातेर छ महिना बढाइएको भन्दै अझैपनि महाधिवेशन नगरेर पार्टीलाई निर्वाचन आयोग सँग भिख माग्ने निरिह अवस्थामा पुर्याइएको उनको आरोप छ ।
पार्टी वर्तमान नेतृत्वले चरम लापरबाही गरेको भन्दै उनले लेखेका छन् – सर्वत्र असफल व्यक्तिहरू बारम्बार सत्ता सम्हाल्न पुग्छन् ।
उनले सामाजिक सञ्जालमा लेखेका छन – पार्टी विधानले चार वर्षको कार्यकाल तोकिएको छ । असाधारण परिस्थिति भनेर एक वर्ष थपियो । देशको संविधानलाई समातेर छ महिना बढाइयो । आज आएर त्यस भित्र पनि महाधिवेशन नगरेर नेपाली काँग्रेसलाई निर्वाचन आयोगसँग भीख माग्ने निरीह अवस्थामा पु-याइएको छ । यहाँ भन्दा वर्तमान नेतृत्वको चरम असफलता र लापरबाही अरू के हुन्छ रु यो देशकै विडम्बना हो । सर्वत्र असफल व्यक्तिहरू बारम्बार सत्ता सम्हाल्न पुग्छन् ।
प्रतिक्रिया