भारतीय राजदूत क्वात्राद्वारा नेपाली सेनाका कामु सेनापति शर्मासँग भेटवार्ता

काठमाडौं । नेपालका लागि भारतीय राजदूत विनय मोहन क्वत्राले कायममुकायम प्रधान सेनापति प्रभुराम शर्मासँग भेट गरेका छन् ।

राजदूत क्वत्रा कामु सेनापति शर्माबीच जङ्गी अड्डामा शिष्टाचार भेटवार्ता भएको नेपाली सेनाले जनाएको छ ।

भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको सेनाले विज्ञप्तिमार्फत उल्लेख गरेको छ ।

भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्‍वास पनि सेनाले लिएको छ ।