काठमाडौं । विद्रोही लडाकु समूह तालिबानले अफगानिस्तानमा ‘युद्ध समाप्त’ भएको जनाएको छ । तालिबानका प्रवक्ता मोहम्मद नईमले समाचार संस्था अल जजिरासँग भने, ‘अफगानिस्तानमा युद्ध समाप्त भएको छ ।’
अल जजिरालाई दिएको एक अन्तर्वार्तामा तालिबानका प्रवक्ता नईमले आफूहरुले अन्तर्राष्ट्रिय समुदायसँग शान्तिपूर्ण सम्बन्ध राख्न चाहेको र ‘उनीहरुसँग कुनैपनि मुद्दामा छलफल गर्न तयार रहेको’ बताएका हुन ।
अल जजिराले अफगानिस्तानको राष्ट्रपति भवनमा तालिबान लडाकुको भिडियो जारी गरेको छ ।
Taliban fighters are reciting Quran at the Afghan presidential palace in Kabul pic.twitter.com/uTfOIPQSfV
— Ragıp Soylu (@ragipsoylu) August 15, 2021
प्रवक्ता नईमले तालिबान अलग भएर बस्न नचाहेको बताएका छन् । उनले अफगानिस्तानमा कस्तो खालको शासन व्यवस्था हुनेछ भन्नेबारे चाँडै स्पष्ट हुने बताए ।
उनले शरिया कानुनको माध्यमबाट महिला र अल्पसंख्यको अधिकार र अभिव्यक्ति स्वतन्त्रताको सम्मान गरिने बताए ।
प्रवक्ता नईमले आफूहरुले कसैमाथि हस्तक्षेप नगर्ने नीति अपनाउने भन्दै अफगानिस्तानको मामलामा पनि हस्तक्षेप नगर्न चेतावनी दिए । उनले ‘अफगानिस्तानमा कुनै पनि विदेशी सेनाले असफल अनुभवलाई दोहोर्याउने’ बारे तालिबानले नसोच्ने बताए ।
प्रतिक्रिया