संघीय संसदको चालु अधिवेशन आजै रातिबाट अन्त्य हुँदै

खबर कुरा
३२ श्रावण २०७८, सोमबार
                 

काठमाडौं । संघीय संसदको चालु अधिवेशन आजबाट अन्त्य हुनेभएको छ ।

सोमबार बसेको मन्त्रिपरिषद् बैठकले संघीय संसदको अधिवेशन आज राति १२ बजेबाट अन्त्य गर्न राष्ट्रपति विद्यादेवी भण्डारीलाई सिफारिस गरेको छ ।

सर्वोच्च अदालतको आदेशपछि गत असार २८ गते पुनर्स्थापना भएको प्रतिनिधिसभाको अधिवेशन साउन ३ गतेबाट सुरु भएको यिो ।

प्रधानमन्त्री शेरबहादुर देउवाले अधिवेशन सुरु भएकै दिनमा विश्वासको मत लिएका थिए । तर, अधिवेशनमा पारित गर्नुपर्ने कैयौं विधेयकहरु रहे पनि सरकारले ती विधेयकहरु बैठकमा पेश गर्न चाहेन । जसका कारण सुरुकै दिनदेखि अधिवेशन विजनेशविहीन जस्तै बनेको थियो । यसअघिका प्रधानमन्त्री केपी शर्मा ओलीले गत फागुन २३ गते पुनर्स्थापना भएको प्रतिनिधिसभा बैठकलाई पनि विजनेशबिहीन बनाएर अन्त्य गरिदिएका थिए ।

विशेषगरी विधेयकहरु पेश गर्दा पास हुन सक्ने संख्यामा विश्वस्त हुन नसकेपछि अधिवेशन विजनेशविहीन बनेको हो । राष्ट्रिय सभामा भने केही विधेयकमाथि छलफल भएको थियो ।

यसमा तपाइको मत

Your email address will not be published. Required fields are marked *


*