काठमाडौं । निर्वाचन आयोगमा नयाँ दर्ता भएका दुई पार्टीलाई आयोगले सनाखतका लागि बोलाएको छ । आयाेगले माधव नेपाल नेतृत्वको प्रस्तावित नेकपा (एकीकृत समाजवादी) र महन्थ ठाकुर नेतृत्वको लोकतान्त्रिक समाजवादी पार्टी नेपालको दर्ता प्रक्रियाका लागि भदौ ९ गते सनाखतका लागि बोलाएको हो ।
भदौ ९ गते बिहान साढे ११ बजेदेखि २ बजेसम्म सनाखतको समय छुट्याइएको र सोही दिन दर्ता हुन सक्ने आयोगले जनाएको छ । आयोगले दल दर्ताका लागि सूचीकृत गरिएका सदस्यहरुको नागरिकतासहित आयोगमा उपस्थित हुन भनिएको छ ।
प्रस्तावित दुवै पार्टीले शुरुमा नेकपा एमाले र जनता समाजवादी पार्टीसँग नाम मिल्दोजुल्दो राखेको भन्दै आयोगले असहमति जनाएपछि दुबै पार्टीले अर्को नाम प्रस्ताव गरेका थिए ।
दल विभाजनसम्बन्धि अध्यादेश जारी भएपछि नेकपा एमाले र जनता समाजवादी पार्टी विभाजित भएर बुधबार नयाँ दल दर्ताको निवेदन आयोगमा परेको थियो ।
प्रतिक्रिया