काठमाडौं । नेपाली कांग्रेसको आगामी महाधिवेशनमा रामचन्द्र पौडेले पक्षले सभापतिको साझा उम्मेदवार खडा गर्ने जनाएको छ ।
काठमाडौंमा आज पत्रकार सम्मेलन गर्दै पौडेल पक्षले सभापतिमा साझा उम्मेदवार खोज्ने प्रतिवद्धता जनाएको हो ।
भोलिदेखि सुरु हुन लागेको वडा अधिवेशनको अघिल्लो दिन आयोजित पत्रकार सम्मेलनमा पौडेल पक्ष निकट सभापतिका आकांक्षी नेताहरु उपस्थित भएका थिए । उनीहरुले संयुक्त पत्रकार सम्मेलन गर्दै आफूहरुको तर्फबाट सभापतिमा एउटा मात्रै उम्मेदवार हुने बताए ।
वरिष्ठ नेता पौडेलले भने, ‘हामी एउटै सभापतिको उम्मेदवार दिएर अगाडि बढ्छौं। देशभरिका साथीहरुलाई यसकुरामा आश्वस्त पार्न चाहन्छौं।’ ‘१४औं महाधिवेशनको अन्तिम अवस्थासम्म एकता कायम रहने अपिल गर्छौं,’ उनले भने, ‘सबैको सल्लाहले एउटा सभापतिको उम्मेदवार दिन्छौं।’
पौडेल समुहमा महामन्त्री सशांक कोइराला, पूर्वमहामन्त्री प्रकाशमान सिंह, नेता शेखर कोइराला रहेका छन् । पौडेलसहित सबै नेताहरु सभापतिका आकांक्षी हुन् ।
प्रतिक्रिया