बर्दियाको बाँसगढीमा नि-शुल्क आँखा शिविर, ५१ जनामा मोतियाबिन्दु

स्वस्तिक श्रेष्ठ
२१ भाद्र २०७८, सोमबार
                 

बर्दिया । चौधरी फाउण्डेसनको आयोजनामा बर्दियाको बाँसगढीमा आँखा शिविर संचालन गरिएको छ । फत्तेवाल आँखा अस्पताल बाँकेको सहकार्य र बाँसगढी नगरपालिकाको समन्वयमा आईतबार एक दिने निशुल्क आखा शिविर संचालन भएको हो ।

नगरपालिकाको वडा नं. ५ स्थित मोतिपुर स्वास्थ्य चौकीमा गरिएको आँखा शिविर कार्यक्रमको बाँसगढी नगरपालिकाका नगरप्रमुख शालिक राम अधिकारीले उदघाटन गरे । उदघाटन कार्यक्रममा बोल्दै ब्यवसायिक हितसंगै सामाजिक कार्यमा चौधरी घरानाले गरेको योगदानको प्रशंसा गरे ।

चौधरी गू्रपका प्रदेश प्रशासक देवराज ढुङ्गानाले शिविरमा ३ सय २२ जना आँखाका बिरामीले सेवा लिएको जानकारी दिए । जाँचमा आएकामध्ये ५१ जनामा मोतिबिन्दु देखिएकाले बिरामीहरुलाई आँखाको थप उपचारका लागि फत्तेवाल आँखा अस्पताल बाँकेमा रिफर गरिएको उनले बताए ।

कार्यक्रममा मोतिपुर स्वास्थ्य चौकीका जनस्वास्थ्य अधिकृत बल बहादुर चौधरी, बाँसगढी न.पा. कार्यकारी प्रमुख पुरुषोतम देवकोटा, स्वास्थ्य शाखा प्रमुख गिता घिमिरे, इलाका प्रहरी प्रमुख विरेन्द्र सिह थापा, चौधरी ग्रुप फुड इण्डष्ट्रिज बर्दियाका प्रशासन प्रमुख लिला श्रेष्ठले मानव स्वस्थ्य सबैभन्दा ठुलो धन भएको भन्दै रोग लाग्नुभन्दा पहिले नै यसबाट बच्नु र सावधानी अप्नाउनुपर्ने बताए ।

यसअघि फाउण्डेसनले कोभिड रोकथामका लागि अक्सिजन मेशिन समेत उपलब्ध गराएको थियो ।

यसमा तपाइको मत

Your email address will not be published. Required fields are marked *


*