काठमाडौं । सरकारले १२ जिल्लाका प्रमुख जिल्ला अधिकारी (सीडीओ) को सरुवा गरेको छ ।
मन्त्रीस्तरको निर्णयअनुसार बुधबार गृह मन्त्रालयले १२ जनालाई जिल्लामा सरुवा गरेको छ । यस्तै चार जनालाई मन्त्रालयमा तानिएको छ ।
गुल्मीको सीडीओ रुद्रादेवी शर्मालाई भक्तपुर पठाइएको छ भने घनश्याम उपाध्यायालाई ललितपुरको सीडीओ बनाइएको छ । उनी मन्त्रालयको आन्तरिक व्यवस्थापन महाशाखा प्रमुख थिए ।
यस्तै शंकर अर्याललाई गोरखा पठाइएको छ भनेपुण्यविक्रम पौडेललाई गुल्मी र काशिराज दाहाललाई मोरङको प्रमुख जिल्ला अधिकारी बनाएर पठाइएको छ । मोरङको प्रमुख जिल्ला अधिकारी रहेका कोषहरि निरौला भने मन्त्रालय तानिएका छन् ।
प्रतिक्रिया