नायिका प्रियंका कार्कीलाई पुत्रीलाभ

काठमाडौं । नायिका प्रियंका कार्कीलाई पुत्रीलाभ भएको छ । उनले बुधबार आफ्नो फेसबुकमा पति आयुषमान देशराज जोशीसँग छोरीसहितको तस्वीर सार्वजनिक गरेकी छन् ।

उनले ‘हाम्रो सानो परी, संसारमा स्वागत छ । हाम्रो जीवनमा स्वागत छ’ भन्दै क्याप्सन लेखेकी छन् । उनले छोरीको नाम आयंका कार्की जोशी राखेकी छन् । प्रियंकाले गत चैत २० गते आफ्नो बेबीबम्प सार्वजनिक गरेकी थिइन् ।

प्रियंका र आयुष्मानले २०७६ को फागुन १५ मा विवाह गरेका थिए । यो विवाह अघि २०७५ असारमा उनीहरुले इन्गेजमेन्ट गरेका थिए ।