काठमाडौं । नवनियुक्त परराष्ट्रमन्त्री डा. नारायण खड्काले चीन र भारतसँग सन्तुलित सम्बन्ध हुने बताएका छन् ।
बुधबार परराष्ट्र मन्त्रालयमा पदभार ग्रहण गर्दै मन्त्री खड्काले आफ्नो कार्यकालमा दुई छिमेकीदेशसँग सन्तुलित ढंगले अघि बढ्ने बताएका हुन् । उनले नेपाल र भारतबीचको सम्बन्ध अत्यन्त घनिष्ठ हुने पनि बताए ।
मनत्री खड्काले परराष्ट्र नीतिमा राष्ट्रिय सहमति चाहिने बताए । उनले परराष्ट्र नीति दल विशेषको नभएर सबैको सहमतिबाट अघि बढाउने प्रतिवद्धता व्यक्त गरे । उनले भने, ‘अन्तर्राष्ट्रिय परिवेश जसरी अघि बढिरहेको छ, त्यसले हाम्रो देशलाई पार्न सक्ने प्रभाव र सम्बन्धहरुमा सन्तुलन कायम राख्दै हामीले जिम्मेवारी निभाउनुपर्नेछ । यो राष्ट्रिय हितको विषय भएकाले सबै दलको सहमति समेतलाई ध्यान दिएर अघि बढ्नेछु ।’
परराष्ट्रमन्त्री खड्काले एमसीसी र बीआरआई लगायतका विषयमा थप अध्ययन गर्ने बताए । उनले यी विषयमा तथ्यगत र मिथ्यागत कुराहरु आइरहेको बताउँदै नेपालको हितमा हुनेगरी सबै राष्ट्रहरुसँग सम्बन्ध अघि बढाउने बताए ।
प्रतिक्रिया